คาวก้อมเมืองเหนือ

คำค่าว..เมืองเหนือ
แม้เป๋นดอกฟ้า..มาลาหางหงษ์..
จักเด็ดดอกดม..พาดเกิ๋นก่ายขึ้น
แม้สูงสุดต๋า..เววาสะอื้น..
จักก่ายเกิ๋นขึ้น..พาดซ้อน
จักขึ้นไปหา..มาลายอดม่อน..
ลวดเด็ดดอกได้..ไต่ลง
กลั๋วจักแต่น้อง..มาลาดอกหงษ์..
แม่บัวระวงษ์..บ่ลงกู้อ้าย
by : อารมณ์ดั่งพิณ ใจดั่งดาบ

   หากเป๋นดอกฟ้า..อย่างว่ากำอ้าย..

จะบ่เสียดาย..ไต่เกิ๋นลงมา
แต้แล้วตั๋วน้อง..ลักส่องบนฟ้า..

ไกล๋เกิ๋นสุดต๋า..น้องน้อย

เป๋นเพียงมาลา..ราคาต่ำต้อย..
อยู่ตามตีนดอย..บ่หัน
จะมีบ่าวใด..มีใจ๋หื้อกั๋น

เก็บมาลานั้น..วางไว้ข้างตั๋วแม้ว่าตั๋วน้อง.....เป๋นดอกต๋าเหิน....

เอื้งคำเอื้งเงิน....ก๊ะว่าดอกหญ้า.

แม้เป็นคู่สม.....ดอมดมแต่หน้า......
บุญจักนำพา.....ชื่นซ้อย.
ตึงบ่หนีไกล.ได้พรากจากคล้อย....
บุญจักเตื่อมถ้อย..นำพา.
หากแม้นจาติแล้ว บุญธัมม์กัมม์หนา..
ก็จักคลาดคลา..มาลาดอกสร้อย.